Það er enginn vandi að gera leiðbeiningar sem þessar afar flóknar með því að útskýra í smáatriðum efnafræði Carpet Cleaner. Þá er það örugglega ekki til að einfalda hlutina að ræða mismunandi tegundir teppaþráða og hinar mismunandi vefnaðaraðferðir sem er að finna í teppum á markaðnum í dag.  Carpet Cleaner kerfið gerir okkur kleift að einfalda hlutina verulega án þess að draga úr árangri hreinsunarinnar. Það eru til allskonar blettahreinsiefni og vökvar sem er ætlað það hlutverk að hreinsa tiltekna gerð af blettum. Carpet Cleaner efnið og blettavökvarnir henta til hreinsunar á óvenju mörgum tegundum af blettum og þarf ekki mikla kunnáttu til, aðeins þolinmæði.

CARPET CLEANER KERFIÐ SAMANSTENDUR AF ÞREMUR EFNUM:

1. CARPET CLEANER-COMPOUND ( SPONGES HREINSIKORNIÐ)
Korn, vætt upp í efni sem vinnur bæði gegn fitu-, olíu-, og vatnsbundnum blettum.  Þá hefur efnið einstaka hæfileika til að draga til sín vökva, enda lítur efnið út eins og svampur undir smásjá.  Kornið er eitt og sér mjög gott hreinsiefni og skal bursta það í teppi, langs og þvers yfir blettinn eða svæðið sem hreinsa skal.  Þegar efnið er burstað í teppið þá er vökvinn kreistur úr og það er hann sem leysir upp óhreinindin ásamt burstuninni.  Rakinn sem fer í teppið verður með þessu móti alltaf hæfilegur.  Síðan er efnið látið liggja þar til það þornar og dregur það þá vökvann og óhreinindin til sín sem er þá ekki þegar kominn í það við burstunina.  Þetta verður vegna þess að viðloðunareiginleikar efnisins eru meiri en teppisins sjálfs.

2. CARPET CLEANER – KRISTALL BLETTAHREINSIR  (óblandað)
Hefur mjög sterka upplausnar eiginleika þrátt fyrir hlutlaust sýrustig pH.  Þetta efni er sérlega hentugt til að leysa upp bletti sem stafa frá ýmiskonar matarleifum.(vatnsbundnum)

3. CARPET CLEANER – KRISTALL KRAFTAUKI (1:3) OG SÍTRUSHREINSIR
Fagmenn nota þessa öflugu fitu- og olíuleysa á óhrein svæði, t.d slóðir sem myndast (göngubrautir) við anddyri.  Efninu er einfaldlega úðað létt á óhrein svæði og bletti.  Eftir úðun er NAUÐSYNLEGT að nudda hreinsikorninu í teppið með handbursta. Hann þarf að vera með miðlungsstífum hárum.   KRISTAL blettahreinsinn skal nota óblandaðan þannig:    1. Væta hvíta tusku með efninu.    2. Þrýstið létt en nuddið ekki blettinn með tuskunni. Tilgangurinn er að væta blettinn og leyfa síðan efninu að vinna.  KRISTAL kraftaukann á hins vegar að blanda í hlutföllunum 1:3.   Úðið efninu létt yfir óhreina svæðið og látið standa á  í 1-2 mín.  Að því loknu skal dreifa korninu á og bursta (með handbursta eða vél) því það eykur hreinsunarkraftinn, sérstaklega ef olíu- eða fituóhreinindi eru annars vegar.
Fagmenn nota Carpet Cleaner-burstavélar enda má gera ráð fyrir því að þeir hreinsi mun stærri svæði.

Þá er ástæða til að kynna ENSÍM LYKTEYÐINN OG ENSÍM MÍKRÓHREINSINN (MICRO CLEAN.)  Þetta eru áhrifarík efni sem eyða ýmis konar ólykt á náttúrulegan hátt.  Ólíkt ilmefnum sem mynda nýja lykt í stað ólyktarinnar brjóta þessi hreinsiefni niður ólyktarsameindirnar og EYÐA lyktinni.  Þessi efni eru svo áhrifarík að þau eyða jafnvel hunda- og kattarhlandslykt.  Mjög gott fyrir bílinn og heimilið.  Blettahreinsisettið D 4020 og blettahreinsiklútana er líka gott að hafa við hendina á heimilinu.  Einnig er efni til að fjarlægja erfiða ryð- og málmbletti fáanlegt (RUST-REMOVER RM-1).   SÍTRUSHREINSIRINN er einn fjölhæfasti hreinsirinn á markaðnum.
Heimasíða Carpet Cleaner:  http://www.carpet-cleaner.co.at

NOTKUNARLEIÐBEININGAR MEÐ
CARPET CLEANER – TEPPAÞURRHREINSIKERFINU

1 kg pakkningarnar af Carpet Cleaner efninu eru hugsuð fyrir heimilin þegar hreinsunar er þörf á afmörkuðum svæðum. 1 kg hreinsar u.þ.b. 15-20 fermetra.  Þá er ekki síður hentugt að hafa efnið við hendina ef eitthvað fer í teppið og blettir myndast.

1. Hreinsun á álagssvæðum:
Álagssvæði, s.s., við inngöngudyr frá stigagangi, eldhúsi, eða þar sem gengið er inn á teppið af hörðu gólfi.  Þá er oft mikil þörf að hreinsa í kringum borðstofu og sófaborð.  Einnig er oft mikið álag í sjónvarpskrók, sérstaklega ef heimilisfólkið matast þar.
Í flestum tilfellum er nauðsynlegt að hreinsa oftar á þessum svæðum.  Carpet Cleaner þurrhreinsiefnið kemur hér að góðum notum því að í því eru bæði efni til að leysa upp olíu/fitu (frá eldavél, eldhúsi) og vatnsbundin óhreinindi (matarleifar).

  1. Hreinsunin skal framkvæmd á eftirfarandi hátt:
    Fyrst er ryksugað vandlega og að því loknu er efninu dreift á svæðið og burstað vandlega langs og þvers.  Þá er það látið þorna.  Þurrktíminn er mismunandi langur, gera má ráð fyrir u.þ.b. 30 mín eða lengri tíma þegar Kristal hefur verið úðað yfir mjög óhrein svæði.  Lengri tíma þarf ef um loðin ullarteppi er að ræða.  Að lokum er ryksugað vandlega yfir að nýju. 3. Blettahreinsun, (blautur blettur):
    Fyrst er bletturinn þerraður upp, með hvítri tusku eða eldhúsrúllu.  Munið að óþarfa nudd getur skaðað teppið.  Þá er hafist handa með Carpet Cleaner efninu.  Svolitlu af efninu er dreift á blettinn og með handbursta er efnið burstað yfir blettinn, langs og þvers.  Að þessu loknu er meira af efninu sett yfir svæðið þannig að hylji blettinn vel. – Nú virkar efnið með sogkrafti á vökvann (hárpípusogkraftur.) – Að lokum þegar efnið er orðið vel þurrt þá er það ryksugað upp.  Ath! Þurrktíminn er hér mun lengri og virkar efnið betur ef það fær að þorna alveg.  Sólarhringur er ekki óalgengur þurrktími í þessum tilfellum.

    4. Blettahreinsun, (þurrir blettir):
    Þurrir blettir eru erfiðastir viðureignar því nú er liturinn bundinn við þráðinn í teppinu.  Hér er því fyrst nauðsynlegt að nota blettahreinsiefni og af réttri gerð.  Eins og áður sagði, þá er Carpet Cleaner -kerfið einfalt að því leyti að það býður upp á þrjá vökva sem leysa flest efni upp.  Þess ber að geta að einnig er hægt að nota Carpet Cleaner kornið með öðrum blettahreinsum og kemur þá í staðinn fyrir skolun með vatni.

    5. Vinnulýsing:
    Ef bletturinn stafar af matarleifum eða drykkjum þá er ráðlegt að væta hvíta tusku með óblönduðum KRISTALHREINSI og þrýsta létt á blettinn en ekki nudda.  Þetta er endurtekið þar til bletturinn er horfinn.  Þá fyrst er korninu stráð á og unnið eins og væri um að ræða blautan blett. (sjá gr. 3 að ofan) – Ef bletturinn stafar af olíu eða tjöru er ráðlegra að væta hann með SITRUSHREINSI og síðan strá korni á og bursta.

    Athugið að það eru til blettir eða efni sem eru annað hvort mjög erfitt að hreinsa eða ómögulegt.  Hins vegar er gullna reglan þessi:    FYRSTU AÐGERÐIR SKIPTA HÖFUÐMÁLI EF ÁRANGUR Á AÐ NÁST.

Dags: 03. desember 2004.

Greinagerð:  Bernhard Svendsen                                     Allar nánari upplýsingar                    ensim@ensim.is